للأسف حتى تنزانيا دشت نادي النصب والإحتيال لأن أمس ياني مسج من 255756544872 + وطبعا ديروا بالكم من هالأرقام لأنهم منظمة نصب وإحتيال والمسج يقول ( المعرض الياباني الدولي للسيارات : انك ربحت سيارة مرسيدس 240 قيمتها 140000 دولار والمقام في عالم الإنترنت في كينيا والإتصال على الرقم 254725642311+ والرقم هذا في كينيا )
للأسف يمكن في ناس تصدقهم وتتصل وإهني يبدي النصب والإحتيال على الناس السذج المساكين إلي يصدقون أي شيئ ويتم شفط فلوسهم بحجة يمكن دزلنا قيمة الشحن أو نبي فلوس حق الجمارك .....الخ , ديروا بالكم ترى وسائل النصب زادت وايد هالأيام ومن أشكالها : واحد يدق من الأردن ويمه ياهال يبجون ويقولك كلام يقطع القلب ويطلب منك فلوس بالدولار تدزهم بحواله ويعطيك رقم حسابه في الأردن و في بعد النيجيريين إلي يدزون إيميلات إن أبوك كان في العاصمه أبوجا وسوى صفقه نفطيه قيمتها 40 مليون دولار وما إكتملت الصفقه لأن المدير صارله حادث ومات . وفي بعد إلي يدقون عليك من السنغال ويقول شايفك بالحلم ويبي ينقذك من الشيطان. تكفون أبي أعرف من وين يابوا أرقامنا وإشلون .
هناك تعليق واحد:
والله انا شلخونى بالايميلات مرة ايرجنت ومرة بليس اى نيد يو ومرة طل بويوهم..عيزت اسوى ديليت وجانك ميل ماكو فايدة ...واكثرهم من نيجريا ..لا وساعات يكتبون بالانجليزى سلام عليكم ..عيال اللذين ماادرى لاقين دبش والا شسالفتهم :)
إرسال تعليق