والله فشله

قبل يومين شفت وأنا بكامل قواي العقليه مقال إكتبه العم ناصر الخرافي في جريدة القبس تقريبا نص صفحة و القهر إنه حاط صورته بعد , طبعا إمجد حزب الله وسيدهم نصرالله .
كل المتابعين للأوضاع أكيد إستاؤوا من هالتمجيد الغريب من شخص المفروض إنه مايمسح جوخ حق واحد مثل السيئ حسن نصرالله والكل عرف إنه ناصر الخرافي يبي مشاريع الجنوب والسيئ يبي واحد مثل ناصر الخرافي اسم وسمعه تجاريه يبني الجنوب المدمر , والظاهر إن العم بومرزوق ( الله يسامحه ) صار مثل بلاع البيزه ويبي يلهط أي شي بأي ثمن , مو مهم منو بس إذا وراك فلوس إنشاءالله أبوس إيدك وريلك ( مو مشكل ) بس قبضني .
وثاني شيئ منو هذا سمير القنطار إلي صدعوا راسنا فيه والله ما أعرفه ولا أبي أعرفه , على العموم عمركم شفتوا واحد إنسجن أكثر من 25 سنة وطلع من السجن صابغ الشعر والشنب وهالمتن , بصراحه عمري ماشفت سجين متين إلا في إسرائيل .
ودمتم

أعضاء مجلس الأمة

وبدأ الصيف وحجز أعضاء مجلسنا الموقر حجوزاتهم وشدوا الرحال إلى أقاصي الأرض من مشرقها إلى مغربها وشمالها وجنوبها ليريحوا حناجرهم من الصراخ المزعج الذي أزعجونا به من دون فائدة , وأتمنى من الباري عز وجل أن يعيدوا النظر في مطالبهم الجشعة ( 15 سكرتير ) يالظلام ليش لايكون أعضاء إنتوا بالصين وأنا ما أدري والسيارات والهواتف النقالة وغيرة وغيرة .
تكفون سافروا ريحوا وريحونا منكم.