وزارة الإعلام

اليوم ياجماعه رحت مستشفى الأميري ( العيادات الخارجيه ) وأنا أنطر دوري شفت شيئ وايد كدرني وحز بنفسي والله إن إحنا وصلنا ليما هالمرحله الوظيعه جدا وإهي الصور إلي معلقينه بالممرات وإلي تتكون من :
1- صورة قصر السيف وفي الصورة والله وصخ على الأرض وصعيدي شايل سلندر غاز على ظهره وعمال وتراب , إنزين ليش المصور الحمار حشاكم ما نطر يخلصون بنيان ويصور صوره تليق بالمكان وهو بيت الحكم.
2- صورة الأبراج والنخل مو مكرب والصوره ما تدل على إن مصور إلي مصورها يمكن خمام السكه مصورها.
3- صوره 3 مراكب ولا الحبيب مصورهم بالليل ما أدري ليش .

يبا فهمت القصه من أول صوره شفتها ( ظبطني و أظبطك يالحبيب )
اللهم إني صائم

شرطة الكويت

أمس تصفحت بريدي وإلا واحد من القروبات داز شريط فيديو مصور في الصباحيه سيارة سبورت قديمة زر أكس 280 قاعد يشفط جدام دورية شرطة ولا والمسخره إن الشرطي أو الظابط قاعد في الدورية وشاب الصافرات وراعي السيارة يشفط جدامه . صدقوني ماعصبت ولا تنرفزت وقلت إن هذا شيئ عادي ويمكن العسكري إلي في سيارة الشرطة مسطول بس اليوم سيارة قرمبع صاكه نص الإشارة ومبنجره والشارع زحمه والسيارات وحده تلف يمين وحده شمال والشارع الثاني تمر دوريه زرقاء ويسوي نفسه العسكري أن الوضع عادي ويمر مرور الكرام إهني لا لا لا وألف لا , ترى الحكومه تدفع رواتب هالعسكر علشان النظام والأمن موعلشان التسكع والمغازل وتصفط بنات خلق الله والترزز عند إشارة شارع الحب .
تكفون أبي كلامي يوصل حق عادل الحشاش وأبي يرد علي .. أللهم أني صائم

رمضانيات

رمضان شهر العبادة والصوم وقراءة القران والتقرب من الباري عز وجل وإحنا في الكويت ماعندنا غير :
1- مشكلة وكيل وزارة الصحه
2- البورصة
3- المصفاة الرابعة
4- اللجنة التشاوريه
5-محمد العليم
6- المليفي مع رئيس الوزراء ( ونسى المليفي ربعه في المجلس وسفراتهم )
7-دوام المدارس
8-البدون
9- بورميه مع إسقاط القروض ( جنة إلي منتخبينه بس حق الفلوس )
10- مستشفيات بدون تكييف

وأخيرا أقولكم ترى ماكو فايدة إبتسم أنت في الكويت