إنتهى العرس الديمقراطي وإرجعوا بعض من أعضاء التازيم إلى المجلس وراح نسمع النغمة النشاز إلي تبط الإذن لما نسمعها ( القروض - الفلوس - الدوانيات - الخمس عوايل - داخل السور - خارج السور ) لا وسمعت مرشح من الدائرة الرابعة يقول القصر الحمر وأنا أحسب يتكلم عن قصر بالهند وبعدين فهمت إنه يتكلم عن القصر الأحمر إلي بالجهراء.
خلونا لا نحكم على المجلس الحين ونشوف أداء الأعضاء ونيتهم هل لمصلحة الكويت وإلا لمصلحتهم وإلي بالجدر يطلعه الملاس. ودمتم
الاثنين، ١٩ مايو ٢٠٠٨
الثلاثاء، ١٣ مايو ٢٠٠٨
إنتخابات
كلها 3 أيام ونشوف نتيجة هالكلام إلي نسمعه في الندوات الإنتخابيه والنتيجه برايي راح تكون نفس نتيجه مجلس 2006 بس بدون إلي ما ترشحوا , والمرشحين إلي سمعناهم وشفنا زئيرهم على الحكومة خل نشوف إشبصيرون بعد الإنتخابات وإشبيقولون .
كل المرشحين صبوا كلامهم على الحكومة جنا إحنا قاعدين بسوريا وإلا العراق أو الخرطوم يمكن وتناسوا إنهم بالكويت يقطون الكلام ضد الحكومة ويروحون بيوتهم ينامون مع عيالهم ومتعشين , محد طتق الباب وتالهم من عتراهم ليما المديرية ومادينهم مد على الكاشي ليما يطق مخهم .
ندري والله إن الحكومة مقصرة في أشياء بس وينكم ياليهال قبل ليش تحيجوا الحين وصرتوا أسود جدام ناخبيكم وصار الواحد فيكم حامي الديار .
تكفون بسنا جذب وخلوا الديرة والحكومة بحالها ترى بسنا جذب ياناس.
كل المرشحين صبوا كلامهم على الحكومة جنا إحنا قاعدين بسوريا وإلا العراق أو الخرطوم يمكن وتناسوا إنهم بالكويت يقطون الكلام ضد الحكومة ويروحون بيوتهم ينامون مع عيالهم ومتعشين , محد طتق الباب وتالهم من عتراهم ليما المديرية ومادينهم مد على الكاشي ليما يطق مخهم .
ندري والله إن الحكومة مقصرة في أشياء بس وينكم ياليهال قبل ليش تحيجوا الحين وصرتوا أسود جدام ناخبيكم وصار الواحد فيكم حامي الديار .
تكفون بسنا جذب وخلوا الديرة والحكومة بحالها ترى بسنا جذب ياناس.
الاشتراك في:
الرسائل (Atom)